Nanglimbasog ang mga residente sa pagpangita sa mga survivor sa nahugno nga building samtang padayon ang mga aftershocks sa pag-uyog sa lungsod sa Mandalay, duha ka adlaw human sa kusog nga linog nga namatay sa kapin 1,600 ka mga tawo sa Myanmar.
Ang 7.7 magnitude nga linog ang nabati sa siyudad sa Mandalay sa Myanmar niadtong Marso 28 ug gisundan sa 6.7 magnitude nga aftershock pipila lang ka minuto human sa kusog nga linog.
Gumikan niini, ang hepe sa Junta nga si Min Aung Hlaing nangayo og tabang sa nagkalain-laing nasud alang sa paspas nga pagbangon sa nasud.
Apan gibalewala kini sa military governments bisan pag nag-atubang sa dakong hampak sa katalagman.
Samtang, nagpahigayon usab og operasyon ang Thailand aron sa pagluwas sa mga survivors nga natanggong sulod sa 30-andana nga skyscraper nga nahugno human sa kusog nga linog.
Sumala sa mga awtoridad sa Thailand, 17 ka tawo ang namatay, 32 niini ang nasamdan, ug 83 pa ang missing.
Kadaghanan sa mga nangamatay mao ang mga trabahante samtang ang mga nawala gituohan nga natanggong sa ilawom sa bilding.
