Ahong Chan pabor sa EO ni Gwen apan kinahanglan nga mokonsulta sa team sa dili pa kini gamiton

CEBU – Pabor si Lapu-Lapu City Mayor Junard “Ahong” Chan sa executive order ni Cebu Governor Gwendolyn Garcia nga optional ang pagsul-ob og face mask sa mga lugar nga bukas ug maayo ang bentilasyon.

Apan, giklaro ni Chan nga kinahanglan usab niya nga konsultahon una ang iyang health team, ilabi na si Dr. Mary Jean Loreche, ang health consultant sa dakbayan ug ang chief pathologist sa Department of Health (DOH)-7, sa dili pa modesisyon kung sagupon ba sa siyudad ang polisiya sa provincial government.

Dugang pa, mandoan usab niini ang iyang team nga tun-an ang E.O. sa gobernador.

Gitumbok usab sa mayor ang polisiya sa ubang nasod diin sa mga enclosed venues nalang mandatory ang pagsul-ob sa face mask.