Ai-Ai delas Alas, wala na mohatag og komento sa pagpakasal sa iyang kanhi bana sa US

Nagpakasal na usab ang kanhi bana sa komedyanteng si Ai-Ai delas Alas nga si Gerald Sibayan.

Gipahigayon ang kasal ni Sibayan ug sa iyang non-showbiz partner nga nailhan sa ngalang Nadine sa San Francisco City Hall sa Estados Unidos.

Sumala sa talent manager nga si Ogie Diaz, nakadesisyon na si Sibayan nga permanenteng mopuyo sa Amerika.

Samtang sa pikas bahin, wala pa’y gipagawas nga opisyal nga pahayag o reaksyon ang aktres bahin sa pagpakasal sa iyang kanhi bana.

Kahinumdoman nga niadtong tuig 2025, gipadayag sa aktres ang pipila ka detalye nga may kalabotan sa green card ni Sibayan human sa ilang panagbulag.