Naka-ani og mga pagsaway si U.S. President Donald Trump human niya gi-post ang usa ka AI-generated nga imahe sa usa ka “Jesus-like figure” sa wala pa kini gitangtang gikan sa iyang social media platform nga Truth Social.
Ang imahe gipagawas uban sa gibag-o nga pagsaway ni Trump kang Pope Leo XIV, kinsa iyang gitawag nga “huyang sa krimen” ug “terible alang sa langyaw nga palisiya.”
Sa imahe sa AI, nakita si Trump nga nagsul-ob og puti nga bisti ug daw nag-ayo sa usa ka tawo, nagkupot og nagdan-ag nga orb, nga adunay mga simbolo sama sa Statue of Liberty, usa ka agila, ug mga fighter jet sa background.
Ang post nahimong viral ug nakakuha og pagsaway gikan sa pipila ka konserbatibong grupo nga nagsuporta kaniya ug pipila ka prominenteng mga tawo sa conservative circles, kinsa miingon nga dili angay nga ihulagway ang usa ka politiko isip usa ka “relihiyosong tawo.”
Nagpabalin nga hilom abf White House bahin sa insidente, samtang ang post gitangtang na gikan sa account ni Trump.
