Cebu City– Padayonon sa pagpangita karong adlawa ang patayng lawas ni Bien Unido Bohol mayor Gisela Boniel nga giingong gilabay sa kadagatan sa Caubian ug Olanggo Island sa dakbayan sa Lapulapu human nga giingong gipatay mismo sa iyang bana nga si board member Niño Rey Boniel.
Matud ni Police Senior Superitendent Jonathan Cabal head ng Regional Intelligence Division nga motabang na usab karong adlawa ang Air Asia,ang airline company nga gitrabahuan sa mayor kaniadto isip piloto ng.Gilauaman usab ang dugang kagamitan ug mga volunteers.
Mahinumduman nga gipahunong ang pagpangita sa patayng lawas sa mayor human nga giassess sa Philippine Navy ang gilawmon sa kadagatan diin niabot kini ug 708 feet.Ang maong gilawmon ang giingong dili na haom nga salomon sa mga divers gumikan kay ubos na kaayo ang temperatura ug mamahimo lamang kini nga maabot ug mga unmanned robots nga mamahimong ma capture ang mga imahe ilawom sa dagat.
Samtang gilauman nga mapasakaan ug kasong parricide karong martes si board member Niño Rey Boniel.Gihimug-atan usab ni Cabal nga legal ang ilang pag detain ni Boniel ug sa uban pa niining kaubanan bisan pa man sa pagparelease kaniya sa korte gumikan kay giaresto kini nga walay warrant of arrest..Pasabot niini nga mipirma ug waiver of detention ang nahisgutang board member.
