Gihangyo sa Akbayan party-list ang Office of the Ombudsman nga ipagawas ang Statement of Assets and Liabilities and Net Worth (SALN) ni Presidente Ferdinand Marcos Jr., Bise Presidente Sara Duterte, kanhi Ombudsman Samuel Martires ug pipila ka mga opisyal sa constitutional commission.
Sumala ni Akbayan President Rafaela David, kini usa ka demonstrasyon sa gobyerno nga seryoso sila sa pagpakita sa transparency ug accountability.
Dugang niya nga sukad milingkod si Martires sa pwesto, gitago niini ang SALN sa mga taas nga opisyal sa gobyerno.
Mopasaka sila og pormal nga kaso kung mahatag na sa Ombudsman ang ilang mga gipangayo.
Giawhag niya ang publiko nga gamiton ang ilang katungod sa pagpangayo og SALN sa mga opisyal sa gobyerno.
Kahinumduman nga si Ombudsman Jesus Crispin Remulla nag-isyu og memorandum para sa publiko nga makita ang mga SALN sa mga opisyal sa gobyerno.
