CEBU CITY-Mipabugay sa iyang yangongo karon si Ozamiz City police office commander Chief Insp. Jovie Espenido ang dagan sa imbestigasyon sa kaso ni Ozamiz City Councilor Ricardo “Ardot” Parojinog ug ang lain pang nalambigit sa iligal na droga sama nalang ni Kerwin Espinosa.
Sa pakighinabi sa Bombo Radyo Cebu kang Espenido, gitandi niini ang iyang pagunit kaniadto ni Kerwin Espinosa nga matud pa naadto lang sa wala ang tanan niyang paningkamot tungod kay nadismiss ra ang kaso ug matud pa nga didto naman hinoon nakapokos nalang tanan kang Leila De Lima.
Samtang sa kaso usab sa mga Parojinog matud pa siya ang nangulo niadtong ila kining gi raid apan gikahubolong niya nganu nga dili naman ni niya pagunitan karon.
Gihimug-atan ni Espenido na siya man matud pa ang nagsugod siya usab ang angayang mutapos niini.
