Gitataw ni Defense Secretary Gilberto Teodoro nga ang insidente nga nahitabo sa Ayungin Shoal niadtong Hunyo 17, 2024 kay tinuyo ug dili aksidente ug dili misunderstanding, diin usa ka navy personnel ang naputlan sa iyang tudlo tungod sa agresibong aksyon sa China Coast Guard.
Matud pa ni Teodoro, basi sa pamahayag ni Presidente Ferdinand Marcos Jr., nga wala mausab ang polisiya sa Pilipinas kalabot sa isyu sa West Philippine Sea ug dili gayud buhian ang Pilipinas bisan usa ka pulgada sa atong teritoryo.
Dugang sa opisyal nga dili gayud magpasakop ug modaugdaog ang Pilipinas kang bisan kinsa.
Gipahibalo ni Teodoro nga ang militar magpadayon sa pagpanalipod sa teritoryo ug pagpatuman sa mga katungod sa soberanya sa nasud.
Dili usab kinahanglan nga mangayo og pagtugot ni bisan kinsa sa pagtuman sa gipanumpaan nga katungdanan ilabi na sa West Philippine Sea.
Giinsister ni Teodoro nga magpadayon ang rotation ug resupply mission sa Ayungin Shoal.
Diin gihimug-atan niini ang kamahinnungdanon sa kaayohan sa mga sundalo nga nadestino sa BRP Sierra Madre.
