Aktor ug komedyante nga si Anthony Roquel, mitaliwan na sa edad nga 68

Mitaliwan na ang aktor ug komedyante nga si Anthony Roquel sa edad nga 68-anyos.

Mas nailhan siya sa iyang papel isip Tonette Macho sa 1970s sitcom nga “Iskul Bukol.”

Kung diin, ang iyang pag-umangkon nga si Nica Gomez-Lorena ang mikumpirma sa balita, ug nagpahibalo nga nag-antos siya kaniadto sa kanser.

Ipahigayon ang iyahang haya ug serbisyo karong Sabado sa Loyola Memorial Chapel sa Sucat Road, Parañaque.

Ang aktor nakita usab sa pelikulang “Ang Panday.”