CEBU CITY-Nasikop sa mga kapulisan sa Abellana police station ang usa ka akyat bahay atol sa gipahigayong manhunt operation niini alas 6 sa Miyerkules sa buntag, Oktubre 4, 2023.
Kini human nanglungkab kini og usa ka balay sa Junquera Extension Barangay Sta. Cruz dakbayan sa Sugbo sa milabay nga Martes, Oktubre 3, 2023.
Giila ang suspetsado nga si Joshua Florendo, 28-anyos nga taga Barangay Lugo, lungsod sa Borbon, probinsya sa Sugbo.
Una nang midangop ang tag-iya sa balay nga si Emily Luna Noval sa Abellana police station human kini nahimong biktima sa akyat bahay kung diin gikawat ang mga grocery items niiini sulod sa refrigerator ug ingon man gihapit og kawat ang mga sapatos nila ug mga mahalong bag sulod sa ilahang panimalay.
Usa ka CCTV footage ang mibutyag sa dagway sa suspetsado nga nasigpatang mikatkat sa ilahang gate sa panimalay sa biktima sa gihimong pagsusi sa mga kapulisan.
Gibalhog sa kasamtangan sa Abellana police station custodial facility ang suspetsado.
