Napakyas ang Alas Pilipinas Women nga makasulod sa quarterfinals sa 2026 Asian Games Women’s Volleyball human sila mapildi sa koponan sa Kazakhstan sa usa ka sikit ug kulbahinam nga dula nga nahuman sa 3-1.
Nakuha sa Pilipinas ang unang set sa opensa nga 29-27, apan nakabawi ang Kazakhstan pinaagi sa pagdaog sa tulo ka magkakasunod nga set sa score nga 26-24, 25-23, ug 25-19 aron tuluyang selyohan ang ilahang kadaugan.
Init ang nahimong sangka sa unang set diin nagbayloay og puntos ang duha ka koponan.
Nakaabot sa set point ang Kazakhstan human sa duha ka sunod-sunod nga block points, apan nakapuntos si Eya Laure aron masalbar ang Pilipinas.
Sa extended play, nilig-on ang Alas Pilipinas ug ilahang nadaog ang unang set. Apan sa ikaduhang set, diha dayun nga miabante ang Kazakhstan ug nakakuha og lima ka puntos nga labaw.
Bisan pa man nakagukod ang Pilipinas hangtod sa 23-21 ug na-extend pa ang dula, nakuha gihapon sa Kazakhstan ang set sa score nga 26-24 aron matabla ang dula.
Nagpadayon ang maayong gipakita sa Kazakhstan sa ikatulo nga set diin nipakita sila og 6-1 nga labaw gamit ang ilahang epektibong mga service ace.
Nakagukod ang Pilipinas hangtod sa 20-19, apan nakapangita gihapon og paagi ang Kazakhstan aron makuha ang set sa 25-23.
Sa ika-upat nga set, nahimong dakong pakigbisog alang sa Pilipinas ang reception ug ang pag-organisar sa ilahang mga duwa tungod sa kusog nga serves ug blocks sa kontra, diin hingpit nga nilahutay ang Kazakhstan ug gitulodokan ang dula sa 25-19.
