CEBU – Gibutyag ni Assistant Provincial Health Officer Dr. Liland Estacion nga dili moubos ang Alert level status sa Negros Oriental kung dili makab-ot ang 70 porsiyento nga target sa populasyon nga bakunahan.
Matod ni Estacion, anaa pa karon sa 57.3 porsiyento ang mga fully vaccinated sa lalawigan tungod gisaka sa Department of Health (DOH) ang target ngadto sa 1,148, 424 nga kinahanglang maturokan sa bakuna.
Base sa taho, ang Dumaguete City, Bacong , Valencia, Dauin, Zamboanguita, Amlan mao lamang ang mga local government Units sa probinsya nga nakaabot na sa target nga bakunahan rason nga mapaubos na sila sa Alert Level 1.
Samtang anaa ang lalawigan sa alert level 2, gi-awhag ang mga wala pa nakapa booster ilabi na ang mga zero dose nga magpabakuna na.
