Maningkamot si Alex Eala nga magsugod og maayo ang iyang kampanya sa Strasbourg Open diin iyang atubangon ang Ukrainian nga si Oleksandra Oliynykova sa unang round karung adlawa Lunes.
Si Oliynykova, nga karon naa sa ranggo nga world No. 68 sa WTA rankings ug aduna nay kasinatian sa Grand Slam human sa iyang debut sa Australian Open karong tuiga, mahimong usa ka lisod nga kontra para sa Filipina tennis star.
Siya usab adunay lig-on nga clay-court resume human nakadaog og tulo ka WTA 125 titles sa miaging tuig sa Italy, Argentina, ug Chile.
Sa wala pa moadto sa France, napildi si Oliynykova kang Simona Waltert sa Round of 128 sa Madrid Open.
Samtang, si Eala gikan sa ikatulong round nga exit sa Italian Open diin napildi siya sa two-time Grand Slam champion nga si Elena Rybakina, 6-4, 6-3.
Ang Strasbourg Open mao ang ikalima nga clay-court tournament ni Eala karong season human sa iyang mga kampanya sa Linz, Stuttgart, Madrid, ug Rome, samtang padayon niyang gipahait ang iyang dula sa European clay swing.
