Adunay pipila pa ka mga torneyo nga apilan si Pinay Tennis star Alex Eala sa umaabot nga mga semana.
Kung diin, makigkompetensya siya sa clay court sa Linz Open, usa ka WTA 500 event sa Austria nga magsugod sa Abril 6 hangtod 12.
Pipila sa mga posibleng makaatbang niini mao ang mga dagkong ngalan sa tennis sama nila ni Emma Raducanu, Clara Tauson, Jelena Ostapenko ug ang defending champion nga si Ekaterina Alexandrova.
Apil niini ang WTA 500 tournament sa Germany gikan Abril 13 hangtod 19.
Ang world ranked 45 nga si Eala moapil usab sa Madrid Open nga ipahigayon gikan Abril 21 hangtod Mayo 3.
Sa miaging tuig sa torneyo sa Madrid, napildi siya kang Iga Swiatek sa tulo ka sets sa ikaduhang round.
Kahinumduman nga bag-o lang nahuman ni Eala ang pagkompetensya sa daghang mga torneyo sa US sama sa Indian Wells ug Miami Open.
