-- ADVERTISEMENT --
Mitala og bag-ong career high ranking sa Women’s Tennis Association (WTA) ang Pinay tennis star nga si Alex Eala.
Sa gipagawas nga rankings sa WTA, anaa siya sa ika-53 nga ranggo, usa ka puwesto gikan sa miaging 54.
Nakab-ot niya ang ranggo nga 54 kaniadtong Oktubre 6.
Bisan og sayo nga natapos ang iyang duwa sa Japan Women’s Open, misaka gihapon ang ranggo sa 20-anyos nga si Eala.
Nangandam na karon si Eala nga makigsangka sa Guangzhou Open sa China karong Oktubre 21.
-- ADVERTISEMENT --
Moduwa siya sa singles ug doubles categories sa maong torneyo.
Sa doubles, ikauban niya si Nadiia Kichenok sa Ukraine sa buntag samtang moduwa siya sa singles sa hapon.
