Alex Eala, nitala og bag-ong career-best sa WTA

Subling mitala og bag-ong career-best sa Women’s Tennis Association (WTA) ang Pinay Tennis star nga si Alex Eala.

Sa bag-ong rankings nga gipagawas, niranggo kini sa ika-45 gikan sa miaging ranking nga 49.

Nakatala siya og dugang 11 puntos aron mosaka sa 1163 puntos human makaabot sa semifinals sa ASB Classic sa Auckland, New Zealand ug sa iyang debut sa main draw sa Australian Open.

Nakadaog usab si Eala sa exhibition title sa Kooyong Classic sa Melbourne.

Ingon man nga nakaabot usab si Eala sa quarterfinals sa unang Philippine Women’s Open sa dihang napildi siya kang Camila Osorio sa Colombia, kinsa midaog sa torneyo.