Opisyal nang nakasulod sa Women’s Tennis Association (WTA) Top 40 ang Pilipina nga tennis star nga si Alex Eala, sa wala pa ang iyang opening-round match sa WTA 1000 Qatar Open sa Doha.
Kini nga milestone naghimo kaniya nga pinakataas og ranggo nga Filipina tennis player sa kasaysayan, human sa malampusong kampanya sa Abu Dhabi Open diin nakaabot siya sa quarterfinals sa singles ug semifinals sa doubles.
Apan sa wala pa makaabot sa global stage, nagsugod si Eala sa mapaubsanong paagi. Isip usa ka preschooler, una siyang nakakuha og raketa sa Valle Verde Country Club sa Pasig City, diin ang pagdula og tennis usa ka yano nga kalingawan sa pamilya.
Sa bata pa nga edad, nagpakita siya og natural nga talento ug dedikasyon sa naasoy nga dula.
Sa edad nga 13, mibalhin siya sa Mallorca, Spain aron magbansay sa Rafa Nadal Academy, usa ka lakang nga naghatag kaniya og mas dako nga exposure ug mga oportunidad batok sa mga internasyonal nga junior players.
Dinhi niya gihasa ang iyang kahanas ug nahimong junior champion sa nagkalain-laing mga torneyo, lakip na ang mga titulo sa Grand Slam junior doubles.
Gikan sa usa ka maayong junior, si Eala nahimong pro niadtong 2020, ug hinay-hinay nga misaka sa ranggo bisan pa sa mga hagit sa mas lig-on nga mga kontra sa WTA circuit.
Sa iyang pagsulod sa Top 40 niadtong Pebrero 2026, iyang gipamatud-an nga ang usa ka damgo nga nagsugod sa usa ka yano nga tennis court sa Pasig makahatag og kalampusan sa tibuok kalibutan.
