Gikatakdang moduso sa iyang kandidatura si Dismissed Bamban, Tarlac Mayor Alice Guo sa sunod semana pinaagi sa usa ka representante bisan pa sa daghang kaso nga giatubang sa gitaktak nga mayor.
Kini ang gikompirmar sa abogado ni Guo nga si Atty. Stephen David ngadto sa Department of Justice nga nirepresentar kang Guo alang sa preliminary hearing sa reklamo sa money laundering batok sa iyang kliyente ug sa laing 35 ka mga indibidwal.
Ingon man nga wala gibutyag ni Atty. David kon modagan pag-usab si Guo sa pagka-Mayor sa Bamban, Tarlac.
Matud pa ni Atty. David nga kung gihigugma siya sa taga Bamban, modaog si Guo ug kung dili sila gusto, dili siya modaog.
Kahinumdoman nga gitaktak sa Ombudsman si Guo sa serbisyo niadtong Agosto 12 tungod sa grave misconduct ug gimandoan nga i-forfeit ang tanan niyang retirement benefits ug dili na makadagan pag-usab sa mga posisyon sa gobyerno.
