Gikatahong maka-uban sa gitaktak nga mayor sa Bamban, Tarlac nga si Alice Guo ug usa sa giakusahan nga Kingdom of Jesus Christ (KOJC) nga si Pastor Apollo Quiboloy mag-uban sa samang selda, matod sa Bureau of Jail Management and Penology (BJMP).
Ingon man nga ibalhin gikan sa PNP custodial facility sa Camp Crame ngadto sa Pasig City Jail Female Dormitory si Guo karong, Lunes, Sept. 23.
Matod ni Bustinera, sa miaging 2 ka semana, tulo ka co-accused ang gidala ni Quiboloy, gibahin kini tungod kay tulo ra ka selda, ug ang usa niini kay kauban ni Guo ingon man ang uban nga kasamtangang piniriso.
Gidugang pa nga wala’y espesyal nga pagpangandam sa selda sa gipalagpot nga mayor kay nagsunod-sunod lang sila sa korte ug unsay hitsura sa selda kaniadto, mao nay makuha ni Guo.
Sa laing bahin, unang ni-file si Atty. Nicole Jamilla, legal counsel ni Guo og urgent motion niadtong Sabado sa Pasig Regional Trial Court (RTC) nga naghangyo nga magpabilin si Guo sa PNP custodial facility.
Apan giandam na nila si Guo kung dili maaprobahan ang ilang hangyo.
