Miatubang si Dismissed Bamban, Tarlac Mayor Alice Guo sa Pasig Regional Trial Court gahapon, Miyerkules, Mayo 28, may kalabotan sa iyang kasong qualified human trafficking.
Diin gipresentar sa kampo ni Guo ang ilang ebidensya.
Ingon man nga wala hinganli sa abogado ni Guo nga si Atty. Nicole Jamilla, ang ilang testigo ug wala usab niya gitumbok kung unsa nga ebidensiya ang gipresentar sa iyang kampo.
Dugang pa niini nga si Guo kinahanglan nga moatubang sa korte sa personal tungod kay sila ang mopresentar sa ilang ebidensya.
Matod usab sa abogado ni Guo nga ang gipresentar sa defense team kabahin sa nagpadayong proseso tungod kay aduna pay laing mga akusado sa kaso.
Kahinumduman nga si Guo gipasanginlan nga giingong nalambigit sa Philippine Offshore Gaming Operator (POGO) hub sa Bamban, Tarlac nga giingong nalambigit sa human trafficking nga gironda sa mga awtoridad niadtong Marso sa miaging tuig ug miresulta kini sa pagkaluwas sa 371 ka mga Filipino ug 497 ka mga langyaw.
