Taliwa sa gihatag nga deadline sa Commission on Elections sa pagpalagpot ni Bamban, Tarlac Mayor Alice Guo, napakyas gihapon kini sa pagduso sa iyang counter-affidavit isip tubag sa subpoena nga gisang-at batok kaniya.
Kini ang gikumpirmar ni Commission on Elections Chairperson George Erwin Garcia.
Una nang gilugwayan sa komisyon ang deadline gikan sa Agosto 27 ngadto sa Septiyembre 1 alang sa ilang kampo sa pagduso og counter-affidavit.
Matod ni Garcia, hangtod karon wala pa mopadala og komunikasyon ang kampo sa gipalagpot nga mayor.
Ingon man nga paabuton gihapon sa buhatan hangtod karong adlawa ang pagduso sa kampo ni Guo sa ilang counter statement.
Kahinumduman, pormal nga gisang-at sa mga representante sa Comelec ang subpoena batok kang Guo niadtong Agosto 13 kalabot sa materyal nga misrepresentation complaint nga gipasaka batok kaniya.
