CEBU- Gipahibaw ni Provincial Governor Gwendolyn Garcia nga ibalik na sa kapitolyo ang allowance ngadto sa mga provincial prosecutors office sugod karong buwana human kini kasamtangan nga gihunong.
Nasayran nga dunay P12,000 ngadto sa P15,000 nga allowance ang mga prosecutors office.
Matod sa gobernador nga gi-agi pa sa re-assesment ang mga nakadawat ug allowance gumikan kay matod pa dako ang alokasyon sa mga prosecutors ingon man sa uban pang mga opisyal nga di muminos sa P100,000,000 matag tuig.
Dugang pa nga ang uban niini adunay mga lakaw sa ubang parte sa Pilipinas ug ang probinsya maoy pabayron. Hinungdan nga temporaryo una nga gihunong ang allowance sanglit sayang ra ang pundo sa probinsya kung way klaro nga mapaingnan.
Nanghinaot usab ang gobernador nga unta dili kini mao ang hinungdan nga gihunong sa Cebu provincial prosecutor office ang mga kaso nga anaa sa MTC ug uban pa. (Lahvi Quiñones)
