CEBU – Gisuportaran ni Alma Concepcion ang partisipasyon ni Herlene Budol sa Bb. Philippines 2022 ug nituo kini nga dunay dakong laban o katakus ang komedyante nga mas nailhan nga Hipon Girl.
17 anyos si Alma dihang midaog kini isip Bb. Pilipinas-International sa ika-31 nga edisyon sa Bb. Pilipinas niadtong Oktubre 31, 1993.
Opisyal nga representante si Alma sa Pilipinas sa 34th Miss International nga gipahigayon sa Mie, Japan niadtong Septiyembre 4, 1994.
Swerte kini nga nalakip sa Top 15 candidates ug nakoronahan nga Miss Friendship sa international beauty pageant nga gitambongan.
Nagkakuyog sila si Alma ug Herlene sa False Positive, usa ka romance drama comedy series nga ipasalida sa Mayo 2022.
Isip kanhi beauty queen, nakita ni Alma ang mga hiyas nga anaa ni Herlene aron matuman ang iyang pangandoy nga mahimong titleholder sa Bb. Pilipinas 2022.
