-- ADVERTISEMENT --
CEBU CITY-Balhug sa prisuhan ang duha ka lalaki human madakpi sa buy-bust operation nga gipahigayun sa Cebu City Police Office-Drug Enforcement Unit.
Nahitabo ang maong operasyon niadtong Mayo 9, 2024 didto sa Ybañez St., Brgy. Mambaling ning dakbayan sa Sugbo.
Basi sa imbistigasyon, ang duha ka suspetsado giilang sila si alyas “ITLOG”, 22 anyos residente sa Brgy. Pasil ug kauban niini nga usa ka security guard, 23 anyos ang panuigon ug residente sa Brgy. Lorega San Miguel ning maong syudad.
Nakuha gikan sa mga suspek ang mga nagkadaiyang pakiti sa gituohang shabu, buy-bust money, ug usa ka transparent plastic diin gitoohang maoy gisudlan sa illegal nga druga nga mukabat sa balor nga Php 34,000 nga adunay 5 gramo ang timbang.(PIO CCPO)
