Andam nga mopasaka og kaso ang usa ka amahan batok sa usa ka pribadong tambalanan sa Mandaue City human nga namatay ang iyang one-month old nga bata gumikan sa bakuna.
Una niini, gisaysay sa amahan nga si Johnnel Abello Jr. nga gipabakuna ang ilang masuso niadtong Disyembre 4 sa Everseley Child Sanitarium and General Hospital sa Jagobiao, Mandaue City alang sa immunization.
Matud ni Abello nga giingong busy ang attending nurse nianang panahona sa wala pa nabakuhanan ang bata.
Apan natingala ang maong amahan human nga na-injected ang bata nga walay sterilization sa paa niini.
Hinungdan nga nagduda ang magtiayon nga posibleng nasayop ang nurse sa pag-immunize sa bata.
Dugang pa ni Abello nga hilabihan ang ilang pagkatingala sa dihang gihilantan ang bata maong gipainom nila kini og paracetamol.
Pagkaugma, naguol ang magtiayon human nga nagdugo ang ilong sa bata hinungdan nga ila kining gidala sa tambalanan.
Apan daling nakabsan sa kinabuhi ang one month old nga bata human nga nabantayan sa doktor nga wala ma-revive ang vital signs sa baby.
Atol sa ilang inquiry, mipadayag ang Department of Health (DOH)-7 ug sa Mandaue City Health Office ilang kawton og balik ang lubnganan sa anak aron ipaubos sa kini sa autopsy.
Apan nagkanayon si Abello nga mag-agad lang kini sa tambag sa iyang abugado subay na sa ipahigayong imbestigasyon kalabot sa kamatayon sa bata.
Una nang gihimakak sa pamunuan sa Everseley Child Sanitarium ang maong alegasyon mahitungod sa kamatayon sa bata.
