CEBU CITY-Gibutyag sa amahan ni Angela nga si Richard Arcilla na ang pulis niadto sa ilahang panimalay ug gitumbok nga si Jomart ang maong suspek sa pagpatay kang Angela Arcilla.
Sa pakighinabi sa bombo radyo cebu news team sa amahan ni Angela, gisaysay niini nga si Jomart nibiya paingon sa Aloguinsan Cebu.
Matod ni Richard nga dili sad pwedi maka detain ang mga pulis ni Jomart tungod kay wala igo nga ebidensya og walay mga witness nga mag tumbok ni Jomart nga maoy nipatay sa iyang Asawa.
Dugang niini, nangayo usab og tabang ang amahan ni Angela sa iyahang mga silingan nga og dili sila mao ang nagbuhat, unta mu tabang ug mu sulti sa kamatooran tungod kay ang gusto sa amahan mao ang mahatagan og hustisya ang kamatayon sa iyahang anak.
Sa pagkakaron, padayon nga nanawagan si Richard sa mga kaila, paryente, ingun man mga barkada ni Jomart nga og ilaha kining makit-an kinahanglang nga e-report sa kapulisan aron sa dugang pa nga imbestigasyon ilabi na nga gibutyag sa usa ka pulis nga dakong posibilidad nga si Jomart ang nagpatay sa iyahang Asawa.
