Cebu City-Naa na sa luwas nga kahitang ang usa ka negosyante ug amahan sa usa ka nagpapailidi sa pagka barangay kagawad sa Brgy Poblacion sa dakbayan sa Lapulapu.
Matud ni Police Sr Inspector Joey Bicoy , ang hepe sa Police Station 2 sa dakbayan sa Lapulapu nga ang biktima mao ang 63 anyos nga si Eduardo Godournez kinsang nakaangkon ug 3 ka samad pinusilan sa iyahang abaga, paa ug sa ubos nga bahin sa iyahang tiyan.
Dugang pa ni Sr Inspector Bicoy nga base sa ilang inisyal nga imbestigasyon ,nga dunay nakabantay nga witness nga dunay motorsiklo nga nagbaras-baras duol sa panimalay sa biktima. Gibutyag niini nga ang biktima ang gikan sa usa sa mga Casino sa dakbayan sa Lapulapu ug sa dihang manaug na kini sa iyahang sakyanan pasulod sa iyahang balay kalit lang kini matud pa nga gipusuil sa suspek.
Giberipikar pa usab sa kapulisan kung pila gyud ang suspeck sanglit dunay miingon nga duha ug naa puy tulo. Gisuta pa usab kung unsay motibo sa maong krimen diin posible nga dunay kalambigitan sa iyahang negosyo nga pautang.
Dili pa makaingon ang kapulisan kung duna ba kinin kalambigitan sa pagpapili sa iyahang anak sanglit matud pa nga wala may nadawat nga death threat ang iyahang anak ug usa usab kini ka independent nga kandidato.
