Ambulant ug sidewalk vendors gihatagan og ‘warning’ ni Mayor Rama

CEBU – Mihatag og ‘warning’ si Cebu City Mayor Michael Rama sa mga ambulant ug sidewalk vendors duol sa Cebu City Hall.

Gibutyag ni Mayor Rama nga gidili ang pagpaninda duol sa City Hall, subay sa iyahang kagustohan nga Singapore-like Cebu City.

Matud pa, gikinahanglan nga mupahawa ang maong mga vendors samtang wala pa kini sila gipangdakop sa Prevention, Restoration, Order, Beautification and Enhancement (PROBE) Team.

Gawas sa pagdili sa pagpaninda duol sa City Hall kay gidili na usab sa mayor nga maninda duol sa Sto. Niño arun nga limpyo gayud ang palibot.

Ang maong kamandoan sa mayor subay sa iyahang Oplan Disiplina nga sugdan karung Oktubre 1.