Nakakuha og laing freeze order gikan sa Court of Appeals ang Anti-Money Laundering Council (AMLC) nga nagpalapad sa pag-abot sa imbestigasyon, nga nagpunting sa dugang nga mga kabtangan nga nalambigit sa giingong mga iregularidad sa paggasto sa flood control projects.
Ang ikaupat nga freeze order gi-isyu niadtong Biyernes, Oktubre 3 diin naglangkob kini sa 57 ka bank accounts, 10 ka real property, ug 9 ka sakyanan ubos sa pagbantay sa AMLC.
Ang nag-una nga mga mando sa pag-freeze misangpot na sa immobilization sa mga kabtangan nga nagkantidad og kapin sa P4-bilyones, usa ka numero nga gipaabot nga mosaka samtang nagkalawom ang imbestigasyon.
Ang AMLC nagkanayon nga ang Court of Appeals naka-freeze na sa kinatibuk-ang 1,620 ka bank accounts, 54 ka insurance policy, 163 ka motor vehicles, 40 ka real property ug 12 ka e-wallet accounts.
Lakip sa mga kabtangan nga nasakmit mao ang high-value holdings sama sa usa ka luxury compound sa usa ka prime urban district, multiple high-end vehicles, virtual currencies, ug unit investment trust funds.
Matod pa ni AMLC Executive Director Atty. Matthew M. David nga ang maong freeze order kay ang konkretong aksyon sa pagpugong sa kurapsyon.
Ang AMLC nag-ingon nga kini nagpabilin nga pasalig sa pagsubay sa pinansyal nga mga kalambigitan sa mga anomaliya sa sektor sa publiko.
