CEBU CITY-Nagpatabang ni Cebu City Mayor Edgardo Labella ang ‘classmate’ ni City Legal Officer Atty. Rey Gealon, nga si Rodolfo Ugang Jr. Kini arun nga malimpyo ang iyahang ngalan sa kalambigitan sa tulis sa mall sa dakbayan sa Mandaue.
Matud ni Ugang nga nabalaka kini sa iyahang seguridad gumikan kay tapad lang sila ug unit sa apartment sa usa sa mga tulisan nga nangawat sa JCenter Mall sa Mandaue, City.Gihimug-atan niini nga wala kini makaila sa tulisan ug wala gani usab kini sila magka-isturya. Gipasabut ni Ugang nga nagpatabang kini ni Mayor Labella gumikan kay ang iyahang sakyanan ang buot nga ablihan sa mga pulis nga anaa gi-parking sa gawas sa apartment nga gipuy-an usab sa tulisan.
Samtang, wala hinuon muhatag ug ‘assurance’ si Mayor Labellaug gitataw nga ang impurtanti mao ang pagsulti ni Ugang sa kamatuoran. Apan iya kining gipa-ubanan para mu-adto sa Mandaue City Police Office.
Subay niini,gipahimangno-an usab ni Labella ang mga Barangay official ilabina ang Barangay Kapitan nga sutaon gyud ang si kinsa man ang bago nga mupuyo sa ilang mga baranggay. (FDP/SBR)
