CEBU CITY-Nasikop sa gipahigayon nga hini-usang operasyon sa Provincial Intelligence Branch, Provincial Drug Enforcement Unit ,Regional Public Safety Batallion ug Tuburan Police Station ang anak ni kanhi Vice Governor Greg Sanchez nga si Grecko Sanchez.
Gironda sa mga kapulisan ang panimalay ni Sanchez sa Brgy. San Juan, lungsod sa Tuburan dala ang search warrant sa kasong kalapasan sa RA 10591.
Matud ni Police Supt. Joie Yape , ang hepe sa PIB nga nakadawat sila og reklamo gikan sa mga silingan sa suspek nga matud pa nagsige kini og pabuto sa iyahang mga armas. Gipaubos sa usa ka buwan nga surveillance ang suspek usa gipahigayon ang maong operasyon.
Atol sa gipahigayon nga operasyon nasakmit sa mga kapulisan ang ga nagkadaiyang kalibre sa armas nga gilakipan sa shotgun, 45 caliber pistola, replica sa caliber 22 ug nagkadaiyang klase sa airsoft guns nga pulos walay lisensya.
Gawas sa mga armas nakuhaan usab ug mga drug paraphernalia si Sanchez nga gidali pa unta sa pag flush sa diang namatikdan ang padulong nga mga pulis.
Nakuhaan usab og pakete sa ginadiling drogas ang ang ka live in niini nga si Maricel Gregory diin matud pa nga gitago pa niini sa bag nga gisudlan sa gatas sa iyang anak.
Nasikop sa mga kapulisan ang mga batos ni Sanchez nga sila si Boby Jacaba ug Glen Nacion human makuhaan usab ug drug paraphernalia.
Nasayran nga una ng nabutang sa kontrobersiya si Sanchez human niini gipakaslan si Prosecutor Mary Ann Castro sa tradisyun sa mga Muslim.
Nasayran usab nga gawas-sulod na si Sanchez sa rehabilitation center tungod sa pagkagumon sa iligal nga drogas.
