Nagkomedya ang aktres ug kanhi miyembro sa Viva Hotbabes nga si Andrea Del Rosario bahin sa mga litrato nila ni Sen. Ronald “Bato” dela Rosa nga nag-viral sa social media, taliwala sa balitang gipangita na siya karon sa mga awtoridad.
Nagsugod ang diskusyon human gipaambit ni Andrea ang usa ka throwback photo nila sa senador, nga nakakuha dayon og atensyon gikan sa mga netizens nga nangutana kung nahibal-an ba niya ang nahimutangan niini.
Giklaro sa aktres nga daan na ang litrato ug wala siyay kalabotan sa kasamtangang isyu.
Taliwala sa mga komedya online, miingon si Andrea nga “nisabay lang siya sa mga meme” ug wala niya damha nga modako ang diskusyon bahin sa iyang post.
Nagpadayon pa ang iyang pagkomedya dihang gisugyot sa usa ka netizen nga basin maimbestigahan usab siya sa mga awtoridad. Mitubag siya nga wala siyay nahibal-an ug nagpakatawa lang sa online conversation.
Samtang, nagpadayon ang diskusyon bahin kang Dela Rosa human gimando sa Department of Justice sa mga law enforcement agencies ang pagpangita kaniya kalabot sa pagpatuman sa warrant of arrest nga gi-isyu sa International Criminal Court.
