Gipahibalo sa three-time Grand Slam champion nga si Andy Murray nga moretiro na siya human sa 2024 Paris Olympics.
Sa iyang social media account, nag-post siya og pasalamat sa Great Britain sa pagrepresentar kaniya sa makadaghang higayon sa Olympics.
Dugang pa niya nga kung mahuman na ang Paris Olympics, hingpit na niyang tapuson ang iyang 19 ka tuig isip player.
Kahinumduman nga napugos siya sa pag-withdraw sa Wimbledon singles tungod kay wala pa maayo ang iyang spinal cyst procedure.
Miapil siya sa doubles uban sa iyang igsuon nga si Jamie Murray apan napakyas sila sa unang hugna.
Gibuak sa kanhi world number 1 ang 77 ka tuig nga pagkawala sa British men’s singles champion sa dihang nakadaog siya sa Wimbledon niadtong 2013 ug nagmalampuson sa All England Club niadtong 2016.
Nakadala usab siya og duha ka bulawang medalya sa Olympics alang sa Great Britain, ang una niadtong 2012 dihang iyang gipildi si Roger Federer sa straight sets ug upat ka tuig ang milabay midaog usab siya batok kang Juan Marin del Potro.
