Ang kanhi mga star player sa UAAP nga sila si Ange Kouame ug RJ Abarrientos maoy labing bag-ong mga magduduwa nga naapil sa listahan sa Strong Group-Philippines alang sa ilang kampanya sa 43rd William Jones Cup.
Gipahibalo sa Strong Group ang kalamboan kaniadtong Domingo. Ang Jones Cup mahitabo sa Hulyo 13 hangtod 21, 2024, sa Taipei, Taiwan.
Si Kouame, usa ka naturalized Filipino kinsa katulo ka higayon nga kampiyon sa UAAP sa Ateneo Blue Eagles, sa kataposan nakakuha sa iyang kahigayonan nga makaapil sa Strong Group.
Nagdula siya sa France sa duha ka team nga mao ang “Nationale Masculine 1 Club” ug sa “UB Chartres Métropole”.
Kini maoy magtimaan sa ikatulo nga pagpakita ni Kouame sa Jones Cup, nga nakaduwa na kaniadto sa Ateneo-Pilipinas sa 2018 nga edisyon ug Rain or Shine sa miaging tuig.
Sa iyang bahin, si Abarrientos, gikan sa iyang unang season uban sa Shinshu Brave Warriors sa Japan B.League.
Human sa usa ka season sa FEU Tamaraws sa UAAP, si Abarrientos nahimong Pro sa “Ulsan Hyundai Mobis” sa Korean Basketball League diin nakadaog siya og Rookie of the Year nga pasidungog sa 2022-23 season.
Gikumpirma usab alang sa Strong Group sila si Caelan Tiongson ug Chris McCullough.
