-- ADVERTISEMENT --
Kusganong gihimakak ni Angelika dela Cruz ang nikatap nga espekulasyon nga nagsabak ang iyang igsuon nga si Mika dela Cruz human kini gikasal sa iyang longtime boyfriend nga si Nash Aguas.
Daghan ang nakurat ilabi na ang mga fans nila ni Mika ug Nash sa ilang pagpakasal tungod kay matud pa nga wala kini kisaw sa wala pa ang paghiusa sa duha.
Hinungdan nga gawas sa mga nalipay niduyog usab ang mga hungihong nga daw buntis kini ug nagdesisyon nga magpakasal sa edad nga 25.
Apan, gidepensahan kini sa maguwang ni Mika nga si Angelika nga dili kini tinuod ug gihimug-atan niini nga kon gani mo-post sa social media siguruhon nga tinuod ang mga ipang-post.
