Dili uyon ang usa ka human rights lawyer ug aktibista nga ilubong sa ‘Libingan ng mga Bayani’ si Chief Presidential Legal Counsel Juan Ponce Enrile nga namatay niadtong Nobyembre 13.
Atol sa pakighinabi sa Bombo Newsteam kang Atty. Neri Colmenares, gihimug-atan niini nga dili angay nga ilubong si anhing Enrile tungod kay dili siya maayong modelo sa mga kabatan-onan.
Kini gumikan usa sa mga author ang anhi sa Martial law diin libo-libo ang gipatay, gi-torture ug nag-antos kaniadtong higayona ubos sa pagdumala ni anhing Marcos Sr.
Gani, biktima si Colmenares sa edad nga 16-anyos sa dili makatarunganong lakang tungod kay sila mismo si Enrile ug Marcos Sr. ang nipirma sa warrant of arrest batok kang Colmenares.
Diin matud niini nga igo lang unta kini nga nanawagan uban sa iyang mga miyembro sa Student Catholic Action nga ibalik ang student council ug school paper human kini gi-ban sa kasagsagan sa Martial law.
Gipunting usab ni Colmenares ang usa sa mga rason nganong dili angayang ilubong sa mga Libingan ng mga Bayani ang anhi gumikan napriso kini kalabot sa pork barrel scam ug nakagawas lang kini tungod sa humanitarian grounds.
Gidugang niini nga kung mahinayon nga ilubong siya uban sa mga bayani kay nagtudlo lang kini sa mga Senador nga mangawat sa panudlanan gumikan anaa lang sa 3 ngadto sa 4 ka tuig lang mapriso.
