Mipakita na usab sa iyang kahawod si Ivan Anisimov sa MPTC Tour of Luzon 2026 human niya makuha ang ikaduhang sunod-sunod nga kadaugan sa entablado, ning higayona sa Stage Five nga may gilay-on nga 126.7 kilometros nga natapos sa Tuguegarao City, Cagayan.
Ang 26-anyos nga Russian cyclist, nga nagdala sa bandera sa LCW UAE Cycle, mioras og 2:47:25 human sa usa ka mabangis nga mass sprint nga nagsugod sa Santiago City, Isabela.
Una nang midaog si Anisimov sa Stage Four nga adunay 165.8 kilometros gikan sa Palayan City, Nueva Ecija padulong sa Bayombong, Nueva Vizcaya, nga nagpalig-on sa iyang impresibong kampanya sa lumba.
Gipadayon ang pasaundayag sa Stage Six karong buntag nga adunay 223.7 kilometros nga rota paingon sa Pagudpud, Ilocos Norte.
