Dako nga major upset ang kapildihan sa world number 1 nga si Aryna Sabalenka batok ni American Amanda Anisimova, kay mao kini ang unang higayon nga ang usa ka American tennis player nakaabot sa Wimbledon finals.
Si Anisimova nidaog og 6-4, 4-6, 6-4 aron magpabiling buhi ang iyang kahigayonan nga mahimong ikatulong Amerikano sa women’s Grand Slam Champion karong tuiga.
Nadaog ni Madison Keys ang Australian Open samtang ang American tennis star nga si Coco Gauff nakadaog sab sa French Open.
Sa maong kadaogan, dili makatuo si Anisimova nga napildi niya ang world number 1 tennis star.
Sa nahitabong panagsangka, dakong hagit sa mga magduduwa ang grabeng kainit sa panahon nga niabot sa 30 degrees celcius.
Kahinomdoman nga kaniadtong 2023, ang 23-anyos nga si Anisimova nakahukom nga mag mental health break.|Bombo Irene Ardiente
