Gikatakdang ilusad sa kagamhanang dakbayan sa Sugbo ang usa ka halapad nga “Anti-Cybercrime Awareness Campaign” sa tibuok dakbayan aron sa pagpahimangno ug kasayuran sa publiko kabahin sa risgo sa mga krimen online.
Kini atol sa pagduaw ni Cebu City Acting Mayor Raymond Alvin Garcia sa bag-ong natudlo nga Regional Director sa Regional Anti-Cybercrime Office nga si Police Col. Fidel B. Fortaleza Jr.
Gisuportahan kini sa Acting Mayor ang sugyot ni Forteleza sa paglusad sa maong kampanya human kini namatikdan ang kaylap nga kaso ug mga nabiktima sa mga online scams sa mga social media platforms.
Pipila lang niini kay sama nalang sa online selling, online financial transactions, investment scams, online dating scams, ug mga online phishing ug smishing scams.
Sumala sa daos sa maong buhatan nga Misaka ngadto sa 80 porsyento ang mga kaso nga ilang nadawat sukad sa buwan sa Enero hangtod sa Agosto ning kasamtangang tuig kun itandi kini sa milabay nga tuig.
Nahitabo ang maong panagpulong sa courtesy call ni Forteleza uban ang Cebu Cyber Response Team sa opisina sa Acting Mayor.
Pasalig pa sa pulis nga hingusgan nila ang ilang trabaho aron sa pagkahipos sa mga kriminalidad sa dakbayan.
