Plano nga pahugtan sa Mandaue City Council ang pagpatuman sa anti-jaywalking sa dakbayan sa Mandaue, kini alang sa kaluwasan sa publiko.
Matud ni Mandaue City Councilor Raul Kevin Cabahug, nga mipasaka na siya ug resolusyon bahin niini, ug mipasabot nga ang Committee on Transportation nga gipangulohan ni Hyll Retuya, nga mikonsulta na ang buhatan sa status sa maong ordinansa ug kung unsaon kini pagpatuman.
Sigon usab niini nga ang desisyon magdepende ra usab ni Mandaue City Mayor Jonkie Ouano, ug matud pa mibutyag ang opisyal nga ug mahimo mas pahugtan ang pagpatuman alang sa katawhan.
Sa pagkakaron, ang mga silot nga gilatid sa ordinansa magamit lamang sa mga tinun-an kansang mga identification card mahimong makumpiska ug unya itugyan ngadto sa ilang tagsa-tagsa ka mga school principal, samtang alang usab sa laing indibidwal, walapay tataw nga mga silot ang gipahayag.
Gidayeg usab sa opisyal ang ka-aktibo sa mayor ug ang mga inisyatiba niini sa pag improbar sa kaluwasan sa nagkada-iyang bahin sa kadalanan particular na sa pagpabutang ug mga suga sa mga sky-walks ug pag-deploy ug mga buiding-guards.
Kahinmduman nga niadtong Septiyembre 8, 2025, ang Sangguniang Panlungsod nisumitir og resolusyon nga naghangyo sa mga barangay kapitan nga ipakatap ang ilang mga tanod tali sa alas 10 sa gabii ug alas 6 sa buntag aron makatabang sa pagdumala sa kalihukan sa mga pedestrian ug pagpatuman sa disiplina sa kadalanan.
