Gipahinumdoman sa Malacañang ang publiko nga manghatag ang gobyerno og libre nga pagbakuna batok sa rabies ug pagbakuna alang sa mga bata nga nag-edad 0 hangtod 5 ka tuig sa tanan nga pang-publiko nga ospital ug mga health centers.
Matud ni Palace Press Officer Claire Castro nga ugaling anaa na sa emergency nga sitwasyon, mamahimong makagamit sa libreng pabakuna, ug limitado kini ngadto sa mga government hospitals.
Sa pikas bahin, alang usab sa mga indibidwal nga nagpatambal sa private medical facilities, si Castro niingon nga ang PhilHealth nagtanyag og animal bite treatment package aron makatabang sa gasto sa medical needs.
Dugang pa, iyang gipasiugda nga ang bug-os nga han-ay sa naandan nga pagbakuna alang sa gagmayng mga bata-lakip na ang mga bakuna batok sa tuberculosis (BCG), hepatitis B, diphtheria, pertussis, tetanus, polio, ug measles-mumps-rubella (MMR) kay walay bayad sa tanang pasilidad nga gipadagan sa gobyerno.
Subay sa maong gipagawas nga kasayuran, nag-awhag si Castro ngadto sa mga ginikanan nga dalhon ang ilahang mga anak sa labing duol nga pampublikong ospital o health center aron maka-pahimos sa maong libreng serbisyo. | Bombo Irene Ardiente
