Gipaabot ang Asia-Pacific Economic Cooperation (APEC) Leader’s Meeting sa Oktubre nga magtutok sa kasamtangang global nga mga hagit sa ekonomiya, diin magtagbo ang mga lider sa 21 ka miyembro sa APEC sa South Korea.
Ang panagtapok mahinungdanon samtang ang rehiyon nagpadayon sa pag-atubang sa mga hagit sa pamatigayon, pagbag-o sa digital, ug palisiya.
Gilauman usab ang bilateral sidelight nga mga miting, lakip ang usa ka miting tali sa Presidente sa US nga si Donald Trump ug Presidente sa China nga si Xi Jinping.
Sumala kang Eduardo Pedrosa sang APEC Secretariat, usa kini ka testamento sa importansya sa APEC isip plataporma sa dayalogo ug kooperasyon.
Ang miting ipahigayon ubos sa tema nga “Building a Sustainable Tomorrow: Connect, Innovate, Prosper,” ug pangunahan kini sa mga miting sa mga ministro ug mga senior nga opisyal gikan sa Oktubre 27 hangtod Nobyembre 1 sa Gyeongju.
Tumong sa mga lider nga isulong ang APEC Putrajaya Vision 2040 ug Aotearoa Plan of Action para sa mas inklusibo ug malungtarong kalamboan.
