Cebu City-Personal nga pag bag-o sa atong kinabuhi isip usa ka kristiano.
Mao kini ang mensahe ni Apostolic Nuncio to the Philippines Archbishop Gabriele Giordano Caccia sa iyang pag pahigayon sa misa sa St. Joseph Cathedral kaganina sa iyang pag bisita sa Diocese of Tagbilaran.
Gidayig ni Caccia ang mga Boholano sa ilang dakong pagtuo bisan paman sa ni-aging mga hagit kanila ilabi sa pagtumaw sa linog sa Bohol niadtong 2013.
Subay sa pag restore sa mga simbahan sa Bohol, gi-awhag ni Caccia nga kita mismo mag usab sa atong kinabuhi pinaagi sa pag kuha sa mga bati og pag puli og mga nindot nga butang.
Iya usab gihimug-atan nga ang tinuod nga simbahan kay dili lang ang imprastraktura kung dili ang komunidad mismo sa kristyanos nga nga hinigugma-ay.
Nasayran nga gi-imbitar ang papal nuncio sa bohol para mu-turnover sa Baclayon church nga usa sa mga simbahan nga grabeng naguba sa linog niadtong 2013.
