-- ADVERTISEMENT --
CEBU – Magkupot na og tulo ka posisyon si Cebu City Market Administrator Raquel Arce sa higayon nga magsugod na sa iyang bag-ong termino si Mayor-elect Mike Rama.
Kini human gitudlo ni Rama si Arce isip pangulo sa Cebu City Disaster Risk Reduction and Management Office (CCDRRMO) ug overseer sa Prevention, Restoration, Order, Beautification and Enhancement (Probe) Team sugod karong Hulyo 1, 2022.
Sa atong pakighinabi kang Rama, gibutyag niini nga nakitaan niya og aksyon si Arce hinungdan nga iyaha kining gibutang sa pwesto.
Dugang pa sa mayor nga makita usab kang Arce ang pagkabeterano sa serbisyo ingon man daghan na kinig kasinatian kung serbisyo publiko ang hisgutan.
