CEBU CITY-Nagpahigayon og Requiem Mass ang Cebu Archdiocesan Cathedral kagahapong adlawa sa Biyernes, Abril 25 sa pagbangutan sa kamatayon ni Pope Francis.
Kun diin gipangulohan ang santos nga misa ni Most Reverend Cebu Archbishop Jose S. Palma, DD uban sa mga kaubananang niini sa cathedral sama sa mga pastor, visiting monsignors ug ubang kaparian.
Sa iyang homiliya, gipaambit sa arsobispo ang kamahinungdanon sa kinabuhi sa mitaliwan nga Santo Papa kansang nakahatag og paglaom sa mga kinabuhi dili lamang sa mga katoliko apan sa bisan kinsang tawo ma lahi man ang relihiyon, kasarian, ug nasyonalidad.
Gisaysay niini nga napamalandongan gud ni Pope Francis ang pangan nga gikutlo niya gikan sa ni Saint Francis of Assisi kinsa susama ni Hesus nga bisan gisaway kay gipadayon ang pagbuhat sa maayong binuhatan para sa kaayuhan sa kadaghanan.
Samtang sa pikas bahin, giawhag sa arsobispo nga padyaonon ang panaghiusa sa pagtuo, pagpasalamat sa gasa, ug ang pag-ampo sa pahuway nga dayon sa pinalanggang Santo Papa nga si Pope Francis.
Ang Requiem Mass kay usa ka misa sa namatay para sa mga Katoliko gikan sa simbahan aron sa pagpahilona sa kalag sa kinabuhing dayon.
