CEBU CITY – Wala nabalaka apan nakalitan ang mga staff ug tigdumala sa Cebu Archbishop Palace sa nahitabo nga shootout diin napatay ang lalaki nga miadto sa Palace ug nangita ni Archbishop Jose Palma.
Kini mao ang gibutyag ni Msgr. Joseph Tan ang tigpamaba sa Archdiocese of Cebu. Pagsaysay ni Tan nga sa dihang mi-adto ang maong lalaki sa Archbishop Palace, nagyawyaw kini ug nangita kang Archbsihop Jose Palma.
Maglaktaw-laktaw matud pa kini og estorya ug nagyawyaw sulod sa 20 minutos. Hinungdan nga nagpatabang na ang sekretarya sa mga pulis sanglit naa man kini armas nga giluklok sa iyang lawas.
Hinoon gitino ni Tan nga walay nadawat nga threat ang Palace ingon man ang arsobispo hayan wala sila nabalaka niini.Apan gitino niya nga una kini nga panghitabo sa Archbishop palace.
Wala hinooy natala nga naangol sa maong panghitabo ug nasayran usab nga si Archbishop Jose Palma naa karon sa kauuluhan kay mi-attend og CBCP.
Mensahe nalang ni Tan sa publiko nga dili mabalaka ug hinaot nga wala nay magbuhat og kagubot nga makadaot sa kadaghanan.
