Nangandam na ang mga deligates gikan sa Cebu City team nga gilangkoban sa 12 ka mga manunuwa, ug 4 ka mga coaches, diin lakip sila nga ipadala sa General Santos City karong adlawa, Oktobre 22, 2025.
Personal nga gibisita sa Bombo Radyo Cebu team ang Don Carlos Gothong National High School aron personal nga masusi ang kahimtang sa mga manunuwa, ingun man nga personal gayud nga nahinabi sa team si Niña Delos Reyes kinsa usa sa ka deligate sa Palarong Pambansa kaniadto, diin iyahang gikabutyag nga nalipay siya nga malakip niini nga laing klase sa mga kalihokan apan adunay sagul nga kakulba tungod sa panahon.
Diin, naasoy niya nga human niya nisalmot sa Palarong Pambansa diretso na siya nag-training alang sa Batang Pinoy, ug nagdasig niya nga mohimo niini mao ang iyahang maguwang nga mao mismo ang nag training usab niya.
Sa pikas bahin, nakuha usab sa Bombo Radyo Cebu ang habig ni Jhen Masong ang assistant coach sa Archery team Cebu, ug iyahang naasoy nga matag adlaw sila nga nagpahigayon og training bisan paman wala pa moabot ang tournament, busa alang kaniya hingpit na nga andam ang mga archery player sa Cebu City.
Gawas niana, bisan paman sa padayon nga mga pag-uyog nga nabati sukad nahitabo ang 6.9 magnitude nga linog apan desidido matod niya ang mga bata sa ilahang training.
