Nanawagan sa buhatan sa Department of Social Welfare and Development (DSWD) ug Commission on Elections (Comelec) si Argao Municipal Mayor Allan Sesaldo mahitungod sa pagpamolitika sa kaatbang niini sa politika sa programang ayuda nga Assistance to Individuals in Crisis Situations (AICS) ug Ayuda para sa Kapos Ang Kita Program (AKAP) sa Barangay Usmad sa lungsod sa Argao sa habagatang Sugbo.
Kini ang gipahibalo sa Mayor pinaagi sa usa ka post niini sa ilang Public Information Office social media page.
Nanghinaot kini ang i-enforce sa Comelec ang maong report nga nakalapas sa lagda sa piniliay human sa presensya sa mga kandidato sa payout sa maong mga assistance programs sa usa ka barangay sa ilang lungsod.
Matod niini nga ang incumbent Congressman sa ilang distrito ug mga kaubana niini ang mitunga sa maong payout nga namulong pa nga mailing pagpangampanya.
Dugang pa nga ang mga benepisyaryo sab sa maong ayudang programa kay nakabase sa sa Office if the Congressman ug dili sa koordinasyon sa ilang local government unit.
Samtang sa pikas bahin sa habig ni DSWD-7 Regional Director Shalaine Lucerokay gipasaligan niini ang reklamanteng mayor nga ilang pa-imbestigaran ang panghitabo.
Gani sa bag-ohay lang kay miluwat og pahibalo ang DSWD-7 sa publiko sa ilang hingpit nga pagsunod sa lagda sa eleksyon partikular na ang Comelec Memorandum No. 24-09014 nga ilayo ang mga programa sa gobyerno sa pamolitka sa piniliay.
