Cebu City- Padayon pa ang imbestigasyon sa kapulisan sa lungsod sa Daanbantayan sa nahitabong accidental firing nga nakasamad ni Daanbantayan Mayor Vicente Loot.
Matud ni Police Senior Inspector Adrian Nalua nga gisuta pa nila kung unsa nga matang ug kinsa ang nanag-iya sa armas nga matud pa nahikapan sa Mayor ug mibuto hinungdan nga naigo kini sa iyahang wala nga bagtak. Gibutyag sa hepe nga mgikan sa haya sa usa sa iyahang mga supporter sa Bargy Lanao sa Daanbantayan ang mayor kauban ang duha ka retired police nga sila si retired Police Inspector Ricardo Dupay ug retired SPO1 Bonifacio Asinggua sa dihang nahitabo ang insidente.
Matud pa nga paglingkod ni Loot sa sakyanan nga gipanag-iya ni Dupay, duna kiniy nahikapan nga gahi nga butang sa lingkurana ug sa dihang iyaha kining gikuha kalit kining mibuto .
Unang gidala sa District Hosptial sa Daanbantayan si Loot apan gi transfer usab sda usa ka pribadong tambalanan sa dakbyan sa Sugbo.
Matud usab ni Nalua nga wala na nila ma recover ang armas ug wala sab sila nakakuha ug kabhang gikan sa sakyanan. Hinuon naa na sa ilang kustodiya ang maong sakyanan.
