Asawa ni Negros Oriental Governor Degamo hustisya ang panawagan sa kamatayon sa iyahang bana

Panawagan karun sa asawa ni Negros Oriental Governor Roel Degamo nga si Pamplona Mayor Janice Degamo ngadto sa national government, ang hustisya alang sa iyahang bana.

Gibutyag ni Mayor Degamo nga dili angayan si Governor Degamo sa maong kamatayon gumikan kay usa ka kini ka malinawon nga lider kinsang nanerbisyo lang ug tinuoray sa mga Negrense.

Matud pa, ang naasoy nga gobernador lang nga makig-atubang sa mga dautan nga tawo ug mga pamaagi nga dili maayo.

Nanghinaut kini nga tinud-on unta ang pagpangita sa mga suspek sa maong krimen gumikan kay magpadayon ang ilahang pagpaningil ug hustisya alang sa iyahang bana.

Gitino sa opisyal nga dili naman mabawi ang kinabuhi sa iyahang bana apan nagtuo kini nga aduna pa’y hustisya nga ilahang makab-ot.